قصة غشيم في المغازلة

تاريخ التسجيل : 13/08/2010

قصة غشيم في المغازلة

وأنا في عز النوم والسعابيل إلا فجــأه رن التلفون ..وطبعا تلفوننا شايل أبوي منه كل الأرقام موب مخلي إلا رقمين التسعه والثمانيه يعني مالك إلا تدق على الشرطه ولا الدفاع المدنـي وغيره ما فيه ... المهم إني رفعت السماعة وأقول نعم إلا وذاك الصوت اللي يرد الروح.. صوت بنت.. وأخوكم إذا سمع
صوت بنت أوجعه بطنــه وأنواع الإسهإل ... وقالت :الو .أنا ما عاد عرفت وش أقول إنشلت برا طمي وطلعت كني ياسر عرفات الله يرحمه.. أل أل أل أل لوووووو ..
قالت : مين معاااي ..؟؟ قلت .. معاك أنا .. (( صراحه جواب يدل على ذكائك ..!! ))وهي اللي تضحك .. وآنا قلبي أحسه مووب طبيعي قـالبها سامري واستنزل عندي الكبد والبنكرياس أنواع الربكة ..
وقالت لي .. سوسو موجوووده ..؟؟ قلت لها ..ما ينفع حـوحـو ..؟؟قالت مين حـوحـو ..؟؟ ..
قلت .. هذا اسـم الدلـع حـق الحمار اللي هـو أنا . !! وضحكت للمرره الثانيه على التوالي ..
وقالت .. يؤيؤ .. شكلي غلطانة .. طيب آسفة ...قلت لها .. لاعادي.. لاشكــررر على واجب .
. (( دايم اسمع هالكلمه .. وجالس أحتري الفرصة أني أقولها ..!! )) ..وقفلت السماعة .تصدقون .. مادري وش صار فيني .. حسيت بقشعقريــره في جسمــي .. وان إفرازات الخشـم عندي زادت .. وان ودي أروح انبطــح في الحوش واكتب قصيـده هجائية .. ليكون هـذا هــو الحـب اللي يقولونه ..
(( نعن أبو الحب اللي تعرفه يالضفــدع ..!! :عاد أنا ماني متعود على البنات .. لان ما شاالله بيتنا فيـه خـمـسـطـعـشـر رجال اللي هم أنا وإخواني وبوي وأمي .. ( الله يخلف على أبوك وميمتي هذا وأنت اكبر
إخواني عليه العوض ومنه العوض ) المهم .. يعني اناواخواني مااشفنا بنت أبــد .. وهذا اللي سبب لنا عقــده
تسمــى العقدة الفيسلوجيـه ..المهــم .. إني قررت إني أتعرف على بنات ... بس فيــه مشكلــه وحـــده
اللي هـي إني ماعنــدي إسلوب ابــد ...(يعنـي وقفـت على الأسلوب .. نعن أبوك أنت عندك ألف مشكلـه مو مشكله بس .. وأهمها مشكلــة وجهـــك اللي كنـه لوحة انتبه أمامك نقـطة تفتيـش ) الو كاد إني
مالقيت قدامي إلا واحد مـن العيال اسمه أحمد ناصر .. معروف إن البنات ما يعوقون معاه .. وآنا اللي اللقـط مفتاح سيارتي وأروح لــه الوكاد .. إني رحــت لحمد ناصر .. وعلمتــه بوضعي وان أمنيتي في
الحياة اتعرف على بنـت قبل ما أموت .. ( اخسس يالغزلنجي ) فقال لي .. السالفة بسيطة .. إذا بغيـت البنـت تحبــك تحسسها إنها أحسن وحــده فـي العالم قلت لـه يعنـي كيــف يعنـي أقولها إنتـي أحسن مـن مردونا ...!! وهو اللي يرفسنـي برجلــه فـي بطنــي .. وقال لي .. أنت ثور .. وش دخل
ماردونا بالغبي .. !! أنا قــصدي انـك تحسسها بأنوثتها وان مافيه بنت غيرها في العالم .. قلـت لـه .. برضه مافهمـت .. يعني تبينـي اذبـح كل البنات وأخليها لحالها ...!! وهــو اللي يموه علـي برجلـه ويمحطنــي بيــده علـى جبهتـــي . وقال لي .. شووف أنت حمار .. وماراح تفهـم إلا بالدروس العملية ... ويطلــع جواله ويــدق وقال لي .. شوف أنا هال لحين بكلـم وحــده وتعلــم قلت لـه طيـــب ... وكلم . وقال .. هلا حياتي هلا عمـري هلا روحي .. أنا لــؤي حبيبـك ومجنونك .. (الحمد لله على العقل .. نعن أبوك وين لؤي معــه والله لو أشوف وجهـك في أحسن الأحوال بعــد ما أعطيه غيـر اسم باقيرا .. قال ايش قال لـؤي ) وقام يقول لها . احبــك وأموت فيــك ..أنا بدونك مثــل البيـت بدون حارة .. مثل التلفون بدون حراره .. مثل السواق بدون سيارة .. أنا البنـزين وأنتي ألشراره .. أنا الشارع وأنتي الإناره ..أنا الرومانسية وأنتي الإثارة أنا مبنى التجارة العالمي وأنتي الطيارة ( قســم بالله إني بغيـت أضمــه وأبوسه يوم سمعـت كلامه .. حسيت بشعور غريب نعن إبليسه لو يكلم جدار كان طاح ) المهم .. انه خلـص المكالمة .. والتفـت لي .. وقال لي .. يالله دورك ..
باعطيـك رقـم بنــت وكلمها . وقول لها نفــس كلامي . قلـت لـه بكـل خجـل . طيـب . وهو اللي يــدق علــى بنــت ويعطينـــي الجوال عشان اكلمها . وأنا اللي أقول الو. ويوم سمعــت صوتها ضاعت علومي . ونسيـت كل الكلام . وقلت لها. بابا فيـــن ! وما حسـيت إلا بذيـك الجزمـه اللي لازقه في مقفاي . وقال لي .. قـول نفس الكلام اللي قلتـه يالثور وأنا اللي أقول لهـا هلا حياتي هلا روحي هلا تعالي وقالت : طيب وبعــدين . قلت لها.
أنا بدونك مثـل الكيبورد بدون فارة .. مثل التقاطع بدون إشارة مثـل الحمار بدون حماره .مثل السلطة بدون خياره . أنا محترف وأنتي نظام الإعارة . أنا الولاعة وأنتي السجاره . أنا الددســن وأنتي لغماره ... أنا الصرصور وأنتي البياره أنا طوووط طوووط طوووط طوووط . قفلـت الخـط في وجهــي . قال أحمد .. وش فيــك ؟؟ .. قلـت لـه .. لا ابــد الخــط مشغوووول وما دريت إلا أحمد مطلــع لوح فيه مسامير ودبجنــي فيــه اللين قلــت للعنزة ياخاله المهـم .. إني رجعــت للبيـت ودماني تصـب وماليه وجهـي من كثر الطق اللـي جاني مـن أحمد00 لدرجة إن اللي يشوفني ما يعرفني .. طالع كنـي مسابقـة مـن صاحب هــذه الصورة . اللي يحطونها في المجلات . وأنا اللي ادخـل البيــت بشووويش عشان مايشوفني احــد .. واطلـع غرفتي واسكــر الباب وأنام ... وفـي عــز النوم . دق جرس التلفون . وارفع السماعة . إلا هـي نفـس البنــت اللي كلمتنـي أول مره . قلـت . نعــم . قالت . سوس موجوووده .؟
قلـت لهـا . شوفي . بيتنا كلــه شباب . ومافيه احـد يبدأ اسمـه بحرف السيــن . والبنــت كررتها ضحكــه .. وقالت ما شاالله دمـك خفيــف ... (هي تحسبني استهبل مادرت إني دلخ من جد ) وقلــت لها . شكــرا .
( مسوي مؤدب ) وسـألتنـي البنــت . وش تسوي هال لحين .؟ . قلت لها. والله كنـت نايم . قالت .. يؤ يؤ تنام في الليل أنت !! قلت . اجــل متـــى أنام ؟ قالت . لا أنا أنام في النهار واسهر في الليـل ... قلـت لها .
لبش الأخت بومـه ..!! قالت . لا بس الليل وقـت الرومانسية . أنت تعرف الرومانسية .؟ قلت لها. لاوالله ما اعرف وسألتنـــي . أنت وش اسمــك ؟ قلت لهـا محمد قالت. وأنتي وش اسمــك . قالت .. داليا. قلت لها . أنا أبي اعرف اسمــك مو عيارتك .! قالت . هــذا اسمــي ..!!
( هذوللي البنات .. تسألها وش اسمـك .. تقول رهـف ولا شوق ولا أفنان .. ولاعذاري بس أنهم من جنبها.) سويت فيها أسلوب وقلت لها إني حبيت وحده بس انتهى هالحب . لان اللي جبيتها خانتني . قالت لي . من حبيـت ؟ قلت لها. حبيـت عنـزة جيراننا . بس أنها خانتني مـع تيــس سوري عشان لـه قــرون فوق رأسه! المهم .. إن البنت قالت لي . اوكي أكلمك بكره لان أمي تناديني . قلت مو مشكلــه .. وتطورت العلاقة . وصرنا نكلم بعــض كـل يوم . وأنا انقلــب حالي . ولاحظوا أهلي إني تغيــرت . يعني نكون جالسين على ألغدا ولا لعشا وانأ ما آكــل . سارح وأنغــف وبعـض المرات أنسى إصبعـي داخل خشمــي ولاحظوا أهلي إني صرت مؤدب . وأنا أقرا عشان اعرف كلام جديد في الحـب .. تلقاني أقرا كتـب الشعــر والحب وبرضه صررت ادخـل كتــب ممنوعة للبيـت . مثل كتاب . ماذا تفعـل في ليلـة الدخلة . وكتاب . سنـه أولى زواج .بس المشكلة أنها ضاعت هال كتب منــي وصرت أروح عند ببارة جارنا اللي طافحة واقعـد أفكر وأتأمل وارمي حصى وسط البياره .مسوي رومانسي مثل اللي يجلسون على البحر ويرمون حصى المهم .. انه في ليلـه من أليالي .. قالت لي البنـت 0حمود. اوصـفلي شكلــك ..!! يااولله البلشــه .. وش أقولها هذي هال لحين . أقولها إني قرد . اعترف لها بالحقيقة المره وأقولها إني جدار مالي ملامح . اعترف لها إني شبيه عبدا لله سليمان الو كاد إني قلت في نفسي . ياولد خلني أسوي مثـل كل الشباب . وانصـب عليها المهـــم . إني قلـت لهــا . أنا عيوني مثل عيون جواد . وطولي مثل طلال الرشيـد . وخشمـي مثـل خشـم خالد عبدا لرحمن . وملامحـي مثل ملامح راشد الماجد . ومهضوم كثير مثـل رامي عياش .( والله مناقص إلا تحط ملحـن معاهم ويكمـل الاوبريت )
الوكااد .. إن البنــت شكلها خقـت معــي وقامت تشاهق من الفرحة وسألتها أنا وأنتي اوصفيلي شكلـك . قالت .
ما اقدر . لما تشوفني بتعرف . لان مالي شبيـه . ( اخسس يا فرح بسيسو ) . وأنا اللي أفك خشتــي وسعابيلي
تقوطر . كني كلـب شايف له عظمــه . وقلت لها. يعني باشوفك .؟ قالت . أكيد . أنا بكره بالروح شاليهات
أليمامه اللي على طريق الرياض الخرج . ونتقابل هناك . قلت لها . بس هذيك للعوائل بس . قالت عاد أنت دبر نفسـك . قلت اووكي مو مشكلــه بس كيف أعرفك .قالت بيننا الجوال . إذا وصلت كلمني وأنا أعلمك وين تلقاني . قلت لها خلاص الوعـد هناك . المهم . إني أنا توهقت . وش لون ادخــل الشاليهات وهي للعوايل .
.. وقلت مالي إلا أحمد ناصر .. اتصل عليه وأتفاهم معاه ... ودقيت عليه .. ورد علــي وقال بعصبيه .. نعم وش تبـي يالغبـي ؟ وعلمتــه بالسالفة من طقطق اللين السلام عليكم بس مدلخ شوي
وقال لي . والله صعبـه وش بتسوي . قلت له . وش رأيك تلبس عباه وتسوي نفسك حرمه وتروح معي على انك زوجتي . وهو اللي يتغير وجهه وقال . تستهبل يالزبال . أنا أسوي نفسي حرمه .. قالي . لا يا محمد هذا شي ما اقدر عليـه . وش أقول للجماعة .؟ قلت له . ومن قالك إننا بنحضر عرس . حنا بنروح الشاليهات . وأنت مراح تكشف وجهــك ابــد . قال . طيب ليش أنت ماتسوي نفسـك حرررمه وأنا الرجال ! قلت لـه .
ياخوي أنا ما اقدر . لأني لا رجال نافع ولا حرمه نافعة .وبعدين حتى لو غطيت وجهـي بيكشفون إني ماني حرمه من ريحتــي اللي كنها ريحـة شرابات عزوبي . قالي . خلاص . بس لاحد يدري . قلت لـه . ابشــر . بس جهز نفسـك بكره بأمرك ونروح . وأخـذت سيارة واحد من العيال . ورحــت لبيت أحمد ناصر ولقيت
عنـد بابهم شحاتة جالسه وهي اللي تجـي تبي تركب . قلت لها. الله يعطينا ويعطيك ياخاله . وهي اللي تطق قزازة السيارة بقوه شوي وتكسرها . وأنا اللي اطلع من جيبـي ريال ونص كنت ناوي اشتري فيـه توكـس . بس قلت مو خسارة فيها عشان الله يوفقني . وتوني افتح الدر يشه باعطيها. إلا وهي تقول افتح الباب الله ياخذ هالراس . الصوت مو غريب علي .يوووووووه أحمد ناصر. قال . اييه أحمد الله لا يبارك فيك . افتح بسرعة قبل ما يطلــع احد من هلـي . وفتحــت لـه الباب وركب . وانطلقنا للشاليهات ...
المهم وصلنا الشاليهات . ونزلنا من السيارة .. وامســك يـد زوجتي . اللي هـي أحمد . ودفعنا التذاكر .
ويوم جينا بنـدخل . وقفنا الحارس اللي على الباب . وقال . لحظــه لازم زوجتك تـدخل محـل تفتيـش النساء لأننا شاكين فيهـا. قلت لــه . ليبش في مطار حنا. تراها شاليه . بعدين وش فيها زوجتي .؟ قال الحارس . ياخوي وش هالحرمه اللي لابسـه زبيريات .!! وأنا اللي أناظر في رجول أحمد ناصر إلا فعــلا لابس زبيريات .! يالله لا تفضحنا بـس . وأنا اللي أقول للحارس ممكن تتركني مع زوجتي . أبيها في كلمـة
رأس . قال لي ادخل هال غرفه ألفاضيه وتفاهم معاها . وأنا اللي اسحب أحمد للغرفة .. وارفس في بطنــه وأنواع البقوس في بطنه .. نعن أبوك يالغبي زبيريات مره وحــده . قال . وش أسوي مالقيت جزمـه كعــب على مقاسي . وقلت له . اسمع نزل العباه على ارجولك عشان ماحد ينتبــه يالغبي المهم . إننا رجعنا للحارس .. واعتذرنا منه على سوء التفاهم .. ودفيناه ب100 ريال عشان يسكــت . وأول مادخلنا استأجرت
شاليه صغيـر وقلت لأحمد يجلــس فيــه . وأنا بروح أدور خويتي . وطلعــت . ودقيــت جوال على خويته . ووصفــت لـي مكانها. تقول أنها عنــد الشجـر اللي جنـب المطعــــم .وأنا اللي أروح هناك واجلـس ساعتين أدورها ومالقيتها. وأدق عليها جوال قلـت لها. وينك فيــه لي ساعتين أدورك . قالت أنت ويـنك بالضبط ؟
قلت لها . أنا واقـف جنـب كيـس زباله . وأنتي وينــك ؟ . قالت . أنا واقفة جنـب النخلة. وأنا اللي التفت وراي . أوب . هــذي هــي .وهـي اللي تنصـدم . وقالت . هــذا أنت .! وين الوصـف اللي تقول . اجل طلال الرشيــد ها امحـق طلال اللي تشبـه لـه أنت . قلت لها. لا أنا فعلا مثل ما قلـت .. بس صار لي حادث هو اللي اثــر على وجهــي .. ولا أنا كنـت حلو قالت . مو مشكلــه أهم شي أسلوبك أعجبني . قلت لها. اشوى . وطلـبت منها أنها توريني وجهها . قالت . طيب بس لا يشوفنا احـــد . وأنا اللي أغطي عليها. وقلت لها. يالله بسرعة . وهـي اللي ترفــع لغطوه .. وأنا اللي اضحـــك .! قالت . وش فيــك تضحـــك .؟ قلت لها. يالله عاد بدون استهبال .! قالت . وش فيـــك ؟ . قلـت لها . يالله بسرعة شيلــي القناع اللـي على وجهــك لا تستهبليــن .! وهي اللي تقول .. هــذا وجهــي الصدقــي يالقرد . وأنا اللي أنصدم وأحس إن الأرض تدور فينـــي .وش ذا الوجـه الشين .. أول مره أشوف وجـه يطلــع منــه ريحــه مخيســه .نعـن أبوها حتـى الشجرة اللـي كنا
واقفيـن جنبها رفعـت ثوبها ونحاشت . وكل الشجر اللي كان حولنا أنحاش وراح وقـف في مكان ثاني بعيــد من شيــن وجهـها! وأنا كنـت حاط في بالي كلام رومانسي جلست عشرين يوم أحفظ فيـه .. عشان إذا شفتها أقوله لها . بس يوم شفت وجهها اللي كنـه وجـه واحد جالس في مجلس رجا جيل وفيـه إسهال . وضيعت كل الكلام اللي حفظتـه وقمـت الخبـط في الكلام . سألتـها. ليـش الملغ ساكـن عيونك .؟
جاوبتنـي ..مـن الأرق .! سألتـها. طيب وش هالببسـي اللـي مكبوب علـى ثوبك .؟ جاوبتنـي . هـذا موب ببسـي
هــذا مـرق .! سألتهـا . طيب ماعندك غيـر هالثوب ؟ جاوبتنـي . إلا كان عنـدي بـس أنسرق ! سألتهـا . طيب
مادمك شينـه وشهـولـه تغازلين ؟ جاوبتنـي أنا كنـت حلوه . بس إن وجهـي أنحرق ! وسألتنـــي . وش رأيك فيني . ما أشبه باسكال ؟ جاوبتهـا . أنتي جسمـك جسـم باسكال . بس الوجـه الله خلـق وفرق .!!
المهـم إني ماقـدرت أتحمل وجـههـا وقلـت لها. أنتي جــدك الأكبر كان غوريلا ؟ قالت لي . لا تطنـز أنت ووجهــك . أنا أول كنـت مصـدقه إن الديناصورات انقرضت بس من يوم شفـت وجهــك عرفت إن هالكلام إشاعات! قلـت لها . شوفي يا آنســه جراده . أنا ودي أجاملك وأقولك كلام حلــو . بــس وجهــك يقول مالك أمل ! قالت لي . والله حتـى أنا بعـد ودي أقولك كلام حلو . بس وجهــك ما يساعد . وجهـك كنــه دعاية لا للمخدرات . المهــم .. إن كـل واحد منا تفــل فـي وجـه الثاني ورحنا. وأنا مـن الصدمة توقف تفكيــري . كل آمالي وأحلامي راحت إدراج الدواليب .... وركبــت السيارة .. ورجعـت للبيــت وأنا متحــطم . كنـت متخيــلها مثـل مايا نصــري ولا أليسا . وطلعـت مثــل حرمة بليه .لا خلاص ما عاد أبي أتعرف على بنات ...
الو كاد .. إني سكرت باب الغرفة .. ونمــت نومه وما دريت اليوم الثاني إلا باللي يرفس
الباب . وأنا اللي انقز من فراشي .وش السالفة إلا وهو أبوي يصايح . افتـح يالسمرمـدي . افتـح لابارك الله فيــك .وأنا اللي افتــح الباب . إلا وأبوي في وجهـي وجـه ما يطمـن .. ويطلـع ذيـك العجرا من ورآه .. وأنواع التلحيـــط .. وإخواني وأمي واقفيـن عنــد الباب يتفرجون الأنذال . مصارعه على الطبيعة .المهم . إن أبوي شغال ضرب فيني ويقول تتزوج من ورآنا يالخسيــس . قلت لـه . والله ما تزوجت . قال . إلا لان الشاليهات اتصلوا علينا وقالوا خـلوا محمد يجي يأخذ زوجته اللي نساها أمس . وأنا اللي تضيـع علومي . وأبي افهـم أبوي السالفة . بس انــه شغال ضرب فينــي . ماترك لي فرصـه .. وبعــد جـهــد جهيــد قــدرت انفــك مـن أبوي . ورحـت لآخــر الغرفة .. ويأخذ أبوي نعال ويرميها علــي . وأنا اللي اوخــر عنها بسرعة وامسكهــا بفمــي .( متأثر بالأفلام ) وإخواني يوم شافوني سويت هال حركه وهـم اللي يصفقون ويصفرون لــي
وأنا اللي أتحمس . وأنط على أبوي وامسـكــه مسـكــه منومــه
وينـط واحد مـن إخواني ( عبدوه )ويمسـك يـد أبوي ويرفعها أول
مره وطاحت ويرفعها ثاني مره وطاحت . ويرفعها
ثالث مره وطاحت. لاااا لاااا لااا لااا غيـر معقووول ...
رفـع أبوي يــده وقام يأشر باصبعــه يعني لااااا تراني ماستسلمت.!!
ويووم شفتــه ماستسلم. وأنا اللي أقوم وامسـك ارجوله .. واسوي
لـه حركـه مقصيــه عشان
يستسلــم .. بس ما استسلم .. وإخواني يقنعونه انــه يستسلــم بــس هــو
عنيــد يحاول يـزحـف عنــد الحبال .. بس أنا ماخليتــه يتنفــس ... وفجأة .
اوووه . لا تــدخل خارجي . أمي جابت المقلاة ( الطاوه ) ومحطتنــي علــى
جبهتـــي محطة مدوية . وتدخلو إخواني (لجنة التحكيم )ومسكــوا أمي وطلعوها
برا الحلبة .. ((عائله دلووووخ ))
المهم إني دخــت وماعاد ادري ويـن أنا وطحــت مكاني ..
ويزحـف أبوي بشويش .. ويحـط يــده على صــدري .. ويعدون إخواني
واحد . اثنيـن . ثلاثة . فاز أبوي .
(الحمد لله والشكر)

المهم إني فهمت ابوى السالفة ونمر بيت ناصر حسن ( أبو أحمد ) ونعلمه وأنواع التمحيط فيني المهم وصلنا الشاليهات
ونزلنا من السيارة . إلا وناصر حسن ماسك مفــك العجـل فـي
يــده يحتــري ولــده . وأحمد مـن هول الصدمة ما عاد شالته
رجليــه . طاح مكانه وقام يصيـــح ويولول . واستلمــه أبوه
أنواع تفقيــع الوجــه وأنواع الترفيع
والتنزيــل . وأنا جالس أتفرج ومبسوووط .. وما دريت إلا
وأبوي ماسكني وأنواع الركب .. وأنا اللي أصيح فيــه ..
هيه يابو الشباب .. حلى هــي ..!! توك طاقني قبـل شوي ..!
قال أبوي ... اييه صحيح .. بس عيـب الرجال يطـق ولــده وأنا جالس
أتفرج .. لازم أسوي شـــي أنا بعـــد ..( لا صرحه إن أبوي فاهم
في الأصول . )
المهم . عقــب الطــق اللي كليتـــه أنا وأحمد ناصر . تزاعلنا
مـع بعــض . وأنا حرمت أتعرف على بنات .. ومثل مقال
المثــل .. ابعـــد عــن الشر ياعمري وغني لوه .

نسيتكـ بهدوء ; توقيع العضو

تاريخ التسجيل : 12/08/2010

ههههههههه

العقل نعمة

مشكورة على القصة

لا عدمناكـ

أمير الورد ; توقيع العضو

تاريخ التسجيل : 13/08/2010

[ندعوك للتسجيل في المنتدى أو التعريف بنفسك لمعاينة هذه الصورة]

نسيتكـ بهدوء ; توقيع العضو

تاريخ التسجيل : 18/08/2010

iههههههههاااااااااااااااااايــــــــــــــ......
والله العظيم فله
يسلمووو حبيبتي ع القصه الخطيرهـــــــ.....

sugarّ ; توقيع العضو

تاريخ التسجيل : 13/08/2010

[ندعوك للتسجيل في المنتدى أو التعريف بنفسك لمعاينة هذه الصورة]

نسيتكـ بهدوء ; توقيع العضو

تاريخ التسجيل : 18/08/2010

يسلموووووووووووو على القصه الجميله[center]

بنوتة كووول ; توقيع العضو

_________________

[ندعوك للتسجيل في المنتدى أو التعريف بنفسك لمعاينة هذه الصورة]

تاريخ التسجيل : 13/08/2010

[ندعوك للتسجيل في المنتدى أو التعريف بنفسك لمعاينة هذه الصورة]

نسيتكـ بهدوء ; توقيع العضو

تاريخ التسجيل : 13/08/2010

ههههههههههههههههههههه

وربي ذكااااااااء وصل لحد الغباااااااء [ندعوك للتسجيل في المنتدى أو التعريف بنفسك لمعاينة هذه الصورة]

يسلمووو وربي ضكتني بقوه على هالقصه

تقبلي مروري [ندعوك للتسجيل في المنتدى أو التعريف بنفسك لمعاينة هذه الصورة]

ايس كريم بالتوفي ; توقيع العضو

_________________

مٌنُهٍوً عٍقَبِ غُيْبًةَ عُيٍوًنِكَ بُيْنًفَعْنُيِ اُقٌسٍمً بُحًبًكً غُلاًكَ اًغًلٍىَ مًنَ اًخْوًاَنِيَ

كًلَمٍاَ حُاٍوَلْتَ أُعًدِلَ فُيً زْمًاَنُيْ .. قًاَمْتَ اُلأُمًوْاَجٍ تَلُعْبً بًاَلٍسَفٌيٍنَهَ [ندعوك للتسجيل في المنتدى أو التعريف بنفسك لمعاينة هذه الصورة]

تاريخ التسجيل : 13/08/2010

[img:6ae8][ندعوك للتسجيل في المنتدى أو التعريف بنفسك لمعاينة هذا الرابط]

نسيتكـ بهدوء ; توقيع العضو

تاريخ التسجيل : 26/08/2010

ما اكثر من كان يحسب نفسه فطينا وقد ملك من الذكاء مايبعده عن الوقوع في الغشامه ولكنه للاسف

وقع .. نعم وقع ,, لقي من هو اذكى منه ..

اما الغشامة في المغازلة شي فطري في البداية ماتلبث ان تزول ..

قصة جميلة قد توضح حال الكثيير من الغشماء وليس صاحبنا الذي في القصة فقط ..

مودتي

با حدود

بلا حدود ; توقيع العضو

تاريخ التسجيل : 13/08/2010

[ندعوك للتسجيل في المنتدى أو التعريف بنفسك لمعاينة هذه الصورة]

نسيتكـ بهدوء ; توقيع العضو